All Albums
Back To Congress MusicFactory

NĨGŨTUĨKE ŨGUO (IHOYA)

Artist: Congress MusicFactory
Produced By: Congress MusicFactory
Album: TWAGŨKUMIA

Kiugo ‘Amen” nĩkuga ‘Nĩgũtuĩke ũguo’. Reke gũtuĩke ũguo. Amen. [Ni] twambararia moko maitũ na twakũrathima. Nĩtwagũtĩa. Nĩtwakũgooca. Nĩtwarũgama mbere yaku na twakũrathima. Nĩtwagũcokeria ngatho nĩgũtuĩka Ngai mwega na Mwathi mwĩhokeku. We ũtũtongoretie mĩaka na mĩaka na mĩaka, we ũtũire ũtũrehete kũrĩ njĩra irĩa nũngĩrĩru na ũgatũtwara na mbere tũkaingĩra rũciũ rũkwĩrĩgĩrĩrĩka Nĩtwarathima rĩtwa rĩaku. Tũhe hinya mũingĩ wa kũhingia wendi waku. Tũhe ũhoti mũingĩ thĩinĩ wa mabũrũri mothe ma thĩ Tũhe wathani ũtarĩ na gĩthimi nĩgetha tũgũkumie; nĩgetha tũgũtĩe na tũgũtũgĩrie, nĩgetha andũ othe mamenye atĩ we wĩ Ngai wa matuinĩ, Mũthamaki wa othe na Mũmbi wa andũ othe Reke othe mamenye we wĩ ũ, na mamenye ũria wĩ mũnene, ũrĩa wĩ mũkaru na mũnene. Tũhe wega waku nĩgetha tũhote gũkwĩnyihĩria na gũkwambararia; tũgũtĩe thĩinĩ wa maũndũ marĩa mothe twĩkaga.