Artist: Congress MusicFactory
Produced By: Congress MusicFactory
Album: Twakugooca

Rekei twambararie moko maitũ kũrĩ mwathani, Amen? Ithe witũ nitwambararia moko maitũ kũri wee. O ũmwe witũ. Mũru wa ithe witũ niambararĩtie moko make haha hakuhĩ naniĩ, mwarĩ wa ithe witũ ari haha mbere yakwa.
Ndĩreciria uhoro wa mũhari mũraihu wa ũthaka na gitio na wathĩki. Ũthaka wa wathĩki ũria ũtũrehete haha tũrĩ. Ndĩrambararia moko makwa na ngeciria ũhoro wa wĩrutĩri wa ariũ a ithe witũ arĩa mathiĩte kabere na arĩ a ithe witũ, arĩa marũire na marakara ma thũ na makĩruta mĩoyo yao na magĩita thakame nĩgetha matũthondekere njĩra ĩno ya ũtheri ĩria tũgeragĩra ũmũthĩ
Na nĩndĩramaririkana rĩrĩa ngwambararia moko makwa. Nĩndĩraririkana kĩrĩa kĩanyũmbire na ngituĩka ũrĩa ndariĩ ũmũthĩ. Ciugo na mũkayo na ũmĩrĩru na wĩrutĩri na wathĩki mĩaka na mĩaka, njiarwa na njiarwa, iria iturĩte njĩra ya gĩtwari ĩrĩa tũrũgamĩire ũmũthĩ

Na ndĩna ngatho nĩtondũ wa ũrũmia na wĩhokeku waku. Na wĩrutĩri waku kũnjaka na kũrekereria wega waku na kũnyũmĩrĩria na gũtũma Roho waku ngoro-inĩ cia andũ. Twĩna ngatho. Twĩna ngatho nĩtondũ nĩũtũhete muoyo. Twĩna ngatho nĩtondu ngoro citũ nĩcikwarahũka na cigakũinĩra. Twĩna ngatho nĩtondũ gũikara gatagatĩ-inĩ ka ariũ a ithe witũ, ũtheri niũkĩte meciria-inĩ makwa, na ngoro yakwa na Roho wakwa. Ngĩthikĩrĩria ndihũ cia mĩgambo ya atongoria akwa.

Gũthikĩrĩria uuge wa Roho Mũtheru na ngĩtiira maitho makwa kũrĩ ũthiũ wa Ngai. Nĩũndĩ ĩkoretwo wĩ wa magegania na mũkaru na mũthaka. Gũtiira maitho makwa harĩ wee nĩgũtũmũga nduĩke mũndũ mwegega. Gũtira maitho makwa kũrĩ we Baba, gũcũthĩrĩria tu ngoro yaku, nigũtũmaga nduike mũndũ mwega; gũtũmaga nduĩke mundu mwega na nĩũndũ wa ũguo ndĩna ngatho.

Nĩthengiũ nĩtondũ wa kũndũria, thengiũ nĩtondũ wa kũndongoria, thengiũ tondũ wa kũigĩrĩra guoko gwaku igũrũ rĩakwa. Thengiũ nĩtondũ wa kũhe muoyo, thengiũ nĩtondũ wa kũngirĩrĩria ũkĩnduta. Thengiũ nĩtondũ wa kũndũta ũrimũ-inĩ na kũndehe ĩ theri-in ĩ. Thengiũ nĩtondũ wa kũnduta ũmocu-ĩnĩ na kũhe ũtheri. Thengiũ nĩ tondũ wa kũnjehereria nganja na kũhe wĩtĩkio. Thengiũ nĩtondũ wa kũnduta gĩkuũ-inĩ na kũhe kũna muoyo ũyũ wa magegania.

Thengiũ nĩtondũ wa kũnduta ihoru-ini na kũndehe gatagati-inĩ ka andũ aya a magegania. Thengiũ nĩtondũ wa kũnduta mwerero-inĩ na ũkahe rũgendo. Ndĩna ngatho. Thengiũ, Ngai! Thengiũ, Mwathi! Thengiũ nĩũndũ wa kũnyũmba. Thengiũ nĩũndũ wa kũhe muoyo. Thengiũ nĩũndũ wa kũnyamũra. Thengiũ nĩũndũ wa kũndũma.

Thengiũ nĩtondũ wa gũthuura. Thengiũ nĩtondũ wa kũndongoria. Thengiũ! Thengiũ! Thengiu! Thengiũ nĩtondũ wa mbara ciothe. Thengiũ nĩũndũ wa ũhotani, thengiũ nitondũ wa igerio o rĩothe. Thengiũ nĩũndũ wa kũndũ kũrĩa kũũmũ. Thengiũ nĩtondũ wa kũndũ kũrĩa kũhũthũ. Thengiũ nĩtondũ wa maũndũ mothe, thengiũ nĩtondũ wa mweke o wothe, mahinda mothe, kũndũ guothe kũrĩa moko maku ma hinya marĩ mahutia mũtũrĩre wakwa. Nĩndoiga nĩwega! Nĩwega Ngai! Nĩthengiũ.